भारत की संस्कृति के लिए... भाषा की उन्नति के लिए... साहित्य के प्रसार के लिए
प्रवासीको पत्र / बद्रीप्रसाद बढू
Kavita Kosh से
प्रवासको बास मिल्यो मलाई
यो भाग्य हो किअथवा भगाइ?
म रोऊँकिहाँसी रहूँ यहाँ म ?
बताइदेऊ न प्रिया ! मलाई !//१//
प्रवासमा छन् सब थोक मेरा
तिमी बिना यी सब छन् अपूरा !
वैशाख मेरो त्यतिकै गयो नि
तिमी बिना शून्य भयो जवानी !//२//
एक्क्लो बसाई अभिशाप भार !
यो भोग्न आफैं म भएँ तयार !
धिक्कार ! गर्ने कसरी बयान ?
अशान्त मेरो छ यहाँ बिहान !//३//
ठ्याक्कै मिलाई कसरी भनूँ म ?
दिमाग खाली मन भो अशान्त !
सम्झन्छु यौटा सपना म हाय !
तिम्रै छ छाँया मनमा सहाय !!//४//
