भारत की संस्कृति के लिए... भाषा की उन्नति के लिए... साहित्य के प्रसार के लिए
प्रीत के पाहुन पियासल जा रहल / सूर्यदेव पाठक 'पराग'
Kavita Kosh से
प्रीत के पाहुन पियासल जा रहल
घात करके आदमी बा गा रहल
चोर सीनाजोर बाड़े मौज में
डर के इज्जतदार बा शरमा रहल
हिल गइल विश्वास के जड़ लोग के
मुँह-कँवल हर रोज बा मुरझा रहल
उठ रहल आन्हीं हृदय-आकाश में
शक के बदरी अनसोहातो छा रहल
ना समझ पवलीं खता के का कइल
राह चलते लोग गोली खा रहल
खेत-बारी बेंच के उम्मीद पर
पढ़ के लइका कवनो लायक ना रहल
एक दिन खातिर जे गलती हो गइल
आज तकले बा जिया पछता रहल
खटके दुबरइले ‘पराग’ बेगार में
बैठ के खइला से लोग मोटा गइल
