भारत की संस्कृति के लिए... भाषा की उन्नति के लिए... साहित्य के प्रसार के लिए
फूल भए जिन्दगी / धनेन्द्र विमल
Kavita Kosh से
फूल भए जिन्दगी देउतालाई चढाइदिन्थें
कागज भए यो जिन्दगी सलाई कोरी जलाइदिन्थें
जिन्दगी यो के भो के भो आफैंलाई थाहा छैन
छातीभित्र मुटु चल्छ तर कुनै चाह छैन
खोटो मोहोर भए जीवन झुक्याएर चलाइदिन्थें
टुहुरो भयो मेरो जीवन यसको कतै बास छैन
मान्छे धेरै छन् नाता छैन बाँचिरहेछु सास छैन
आँसु मात्रै भए जीवन आँखाबाट खसाइदिन्थें
यो मन पनि मरिसक्यो ब्युँझने आस छैन
ओइलिसके सारा रहर अब कुनै मधुमास छैन
थोत्रो लुगा भए जीवन जड्यौरीमा चलाइदिन्थें
शब्द - धनेन्द्र विमल
स्वर - कुमार सानु
चलचित्र - अर्पण
