भारत की संस्कृति के लिए... भाषा की उन्नति के लिए... साहित्य के प्रसार के लिए
फेर हवाबाज़ आ गइल बादर / आसिफ रोहतासवी
Kavita Kosh से
फेर हवाबाज़ आ गइल बादर ,
सिर्फ शहरे प छा गइल बादर।
रह गइल चुरुआ लगवले मडई,
छत के पानी पिया गइल बादर ।
भेख बहुरुपिया नियन बदले,
खूब बुरबक बना गइल बादर ।
नाहि बरसे के तनिक बा हबखब
खेत लहलस डूबा गइल बादर ।
खूब गरजल, चमक-दमक देके ,
खूब सपना देखा गइल बादर ।
भूख 'आसिफ' न कुछ सुने देलसु ,
राग बादल सूना गइल बादर ।
