बड़ोॅ-बड़ोक्का लोग जहाँ पर नंगा नाचै / अमरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमरेन्द्र » कुइयाँ मेँ काँटोॅ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बड़ोॅ-बड़ोक्का लोग जहाँ पर नंगा नाचै
जे मन मेँ आवै छै ऊ सब काम करै छै
आपनोॅ गलती पर ढाकर रँ ही ढकरै छै
कुइयाँ मेँ ढूकी केॅ आपनोॅ कपड़ा खींचै
जाति केॅ कुत्ता रँ साथेँ पोसलै राखै
जेकरा चाहै समय-समय पर कटवावै छै
जेकरोॅ जे चाहै छै मूड़ी छटवावै छै
माय-बहू बेटी इज्जत रोॅ शोरबा चाखै
गुल्ली-डंडा बदला मेँ गोली-भरनांटी
सुखरतिया रोॅ जूआ सालो भर के खेला
चोर-चिबल्ला-हत्यारा रोॅ लागै मेला
छपरी पर छै हुक्का-पाती-सनसनाठी
दलदल में फंसलोॅ सब्भे रोॅ गोड़-पाँव छै
आबेॅ ऊ की पैहिले नाँखी हमरोॅ गाँव छै।