बता बीनणी के बोलै ? / मानसिंह शेखावत 'मऊ'

तकतूळी सो बींद बिराजै, उडै बायरै कै झोलै !
बता बीनणी के बोलै ?

जाड़ दबायां जर्दो-गुटको, आतां ही बोतल खोलै !
बता बीनणी के बोलै ?

देवै ओळमो नणद-जिठाणी, सुसरोजी पूरो तोलै !
बता बीनणी के बोलै ?

पाड़ोसण सूं जे बतळाले, सासूजी छाती छोलै !
बता बीनणी के बोलै ?

पाणी पी पी गाळ काडरया, पीहरवाळा नैं ओलै!
बता बीनणी के बोलै ?

बाजोटां पै जान-जुहारी, मावा सूं मूंडो धो लै !
बता बीनणी के बोलै ?

गैणों-गूँठी गिरवै म्हेल्यो, जमीं बेच दी अधमोलै !
बता बीनणी के बोलै ?

महिलावां रो राज बतावै, पण आ तो मूँ ना खोलै !
बता बीनणी के बोलै ?

बात लाग'री जे झूँठी तो, आ म्हारै सागै हो लै !
बता बीनणी के बोलै ?

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

बता बीनणी के बोलै ? / मानसिंह शेखावत 'मऊ'

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग