भारत की संस्कृति के लिए... भाषा की उन्नति के लिए... साहित्य के प्रसार के लिए
बदलोॅ आपनोॅ चाल / मनीष कुमार गुंज
Kavita Kosh से
बाबू कहै सुनें रे नूनू बदलें आपनोॅ चाल
दारू-पुड़िया के फेरा में सड़तौं अतड़ी गाल।
सुनें रे नूनू बदलें आपनोॅ चाल।
सुशासन के राज चलै छै, होय रहलै विकास
गरीब-गुरूवा के दिन फिरलै, मन में छै विश्वास
सुनें रे नूनू बदलें आपनोॅ चाल।
गाँव-गाँव में स्कूल खुललै, सड़क-पूल भरमार
घर-घर बिजली-पानी चललै, नै पड़बै बीमार
सुनें रे नूनू बदलें आपनोॅ चाल।
जात-धरम के झगड़ा में कोय अदालत कोय जेल
भेद-भाव सब दूर करी के खूब बढैबै मेल
पढ़ी-लिखी विद्वान बनी जो घर-घर बाँटें ज्ञान
तोरा चलतें हमरोॅ बढतै गाँव भरी में मान।
सुनें रे नूनू बदलें आपनोॅ चाल।
