बन गेलूँ बूथ के पदाधिकारी / सिलसिला / रणजीत दुधु

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रणजीत दुधु » सिलसिला »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बन गेलूँ बूथ के पदाधिकारी
ढुकढुकाबु घर घर के केवारी

अठारह के पहिले हे अनजान
ओकरा दे ही हमहीं पहचान
पराइविट हो चाहे सरकारी
बन गेलूँ बूथ के पदाधिकारी

जे न´ बोलऽ हल उ करे परनाम
कहे जी जोड़ देथिन हमर नाम
रहबन अपने के हम बड़ आभारी
बन गेलूँ बूथ के पदाधिकारी

जिनकर घर में ताला ऊ मुरदा
जिनका चाहुँ हम हथ मरलो जिंदा
जान ला कि कतना ही हम भारी
बन गेलूँ बूथ के पदाधिकारी

जे हमरा से काटऽ हका कन्नी
उ मरदाना के बनावऽ ही जन्नी
जवानों के ला दे ही बुढ़ारी
बन गेलूँ बूथ के पदाधिकारी

जेकरा पर हम्मर मिजाज बिगरे
जिनगी में न´ ओकर नाम सुधरे
देते रे उ कउनो गारी
बन गेलूँ बूथ के पदाधिकारी