बरैं अंधरू पड़उनू चबांय माई जी / जगदीश पीयूष

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

जगदीश पीयूष »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बरैं अंधरू पड़उनू चबांय माई जी।

पइसा आवा सरकारी।
पुला बनै कै तयारी॥

होय हेरा फेरी जाने ना खोदाय माई जी।
बरै अंधरू पड़उनू चबांय माई जी।

आई एमेले कै निधि।
खाइ लेइ कौन बिधि॥

गवा अपनौ निमरुआ मोटाय माई जी।
बरैं अंधरू पड़उनू चबांय माई जी।

होय अन्न कै खरीद।
घाल मेल कै रसीद॥

मिलि बांटि बांटि खांय डेकरांय माई जी।
बरैं अंधरू पड़उनू चबांय माई जी।

आवे जब जब धन।
बनि जाय करधन॥

गोरी पतली कमरिया पिराय माई जी।
बरैं अंधरू पड़उनू चबांय माई जी।