भारत की संस्कृति के लिए... भाषा की उन्नति के लिए... साहित्य के प्रसार के लिए
बलिदान उठ्यो / युद्धप्रसाद मिश्र
Kavita Kosh से
रक्तक्रान्तिको ज्वालामुखिमा
आज उठेको यो बलिदान
श्री नढलेका युवा युवतीको
हृदय हृदयको स्वाभिमान
आज उठेको...
सानो एक झिल्कोबाट
बढ्दै जान्छौँ लाख जवान
न्याय बचाउन देश उचाल्छौँ
गर्दै जान्छौँ अर्पण प्राण
आज उठेको...
युवा रगतले अतिक्रमणको
तोड्न उठेका छौँ अभिमान
सक्छौँ हामी गर्न महलका
ठाउँलाई घोर मसान
आज उठेको...
क्रूर दमनकन धक्का मार्छौँ
काला कानुन धुस्नो पार्छौँ
देश मुक्तिमा हुने अगाडि
युवा रगतको शान
आज उठेको...
लड्दै जान्छौँ बढ्दै जान्छौँ
वीरगतिमा चढ्दै जान्छौँ
रक्त पिपासुहरूको हामी
गर्न प्रतिज्ञ छौ एक चिहान
