भारत की संस्कृति के लिए... भाषा की उन्नति के लिए... साहित्य के प्रसार के लिए
बहिश्कार जा गोला छोड़े / हूँदराज दुखायल
Kavita Kosh से
थल्ह: मुल्क सॼे जो रायो, हीअ धारी हुकूमत डाहियो
बहिश्कार जा गोला छोड़े -छॾियो जुल्म जो राजु उखोडे़,
क़ौमी झंडो झुलायो - हीअ धारी हुकूमत डाहियो।
आहे अव्हांजे तरफु सचाई, सत्याग्रह जी लड़ो लड़ाई,
महात्मा फ़रमाओ - हीअ धारी हुकूमत डाहियो।
तेग़ अहिंसा आहे तिखेरी, कंदी मुतीअः मुल्क जा त वेरी,
सोभ जो आहे सायो - हीअ धारी हुकूमत डाहियो।
कुरुखेत्र में काहे अचिजो, वेढ़ि अनोखी पंहिंजी रचिजो,
अॻिते कदमु वधायो - हीअ धारी हुकूमत डाहियो।
अञा अव्हीं छा गुलाम रहंदा, जुल्म सब्र सां केसीं सहंदा,
पंहिंजो शानु बचायो - हीअ धारी हुकूमत डाहियो।
भारत माता आहे ‘दुखायल’, तेगे गुलामीअ जी सा घायल
तंहिंजो दर्दु घटायो - हीअ धारी हुकूमत डाहियो।
