भारत की संस्कृति के लिए... भाषा की उन्नति के लिए... साहित्य के प्रसार के लिए
बाकी सबकुछ ठीक-ठाक छै / कैलाश झा ‘किंकर’
Kavita Kosh से
दुश्मन बनलोॅ चीन-पाक छै,
बाकी सबकुछ ठीक-ठाक छै।
सीमा पर हड़कम्प मचल छै,
लाशो सेॅ कश्मीर पटल छैय
धरती के जे स्वर्ग कहाबै-
वहाँ गिद्ध के भीड़ लगल छै।
देश-देश के कूटनीति मेॅ-
दोस्ती करना भी मजाक छै।
हिन्दी चीनी भाई-भाई
यै नारा सेॅ भेलै बुराईय
हड़पा-हड़पी कैलकै जेहन-
कहियो नै होतै भरपाई।
घात लगैने बैठ बिलैया-
बार-बार खोजै खुराक छै।
गुरुवैं सें गुरुवाय करै छै,
हरदम छोटका भाय लड़ै छैय
पड़लै ऐसन शाप काल के-
प्रजातंत्र के लोर झड़ै छै।
तैयो नै छै होश जरा भी-
दुर्दिन देखी जग अवाक छै।
भारत तेॅ बम भोला बनलै,
चाहै छै खुद दुश्मन सँभलैय
टुटलै जब-जब सहन शक्ति तेॅ-
देव-दनुज में निश्चय ठनलै।
आकाशोॅ त्रिशूल पृथ्वी
बश मेॅ सभ्भे अग्नि-नाग छै।
