बात तोहरा से बताईं त बताईं कइसे / मनोज भावुक

KKGlobal}}

बात तोहरा से बताईं त बताईं कइसे
बात तोहरा से छिपाईं त छिपाईं कइसे

बात कागज ले रहित तब त अउर बात रहित
बात दिल पर से मिटाईं त मिटाईं कइसे

अब हिया में बा चढ़त जात निराशा के जहर
आस के फूल खिलाईं त खिलाईं कइसे

आग बाहर के ना ,भीतर के हऽ ई, ए भाई
एह से अपना के बचाईं त बचाईं कइसे

बात गजले में कहत बानी हिया के अपना
का करीं, मन के मनाईं त मनाईं कइसे