बाबा बैद्यनाथ हम आयल छी भिखरिया / मैथिली लोकगीत

मैथिली लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

बाबा बैद्यनाथ हम आयल छी भिखरिया अहाँ के दुअरिया ना
अइलों बड़ बड़ आस लगायल होहियो हमरा पर सहाय
एक बेरी फेरी दियौ गरीब पर नजरिया, अहाँ के दुअरिआ ना। १।

हम बाघम्बर झारी ओछायब डोरी डमरू के सरियाएब
कखनो झारी बुहराब बसहा के डगरिया, अहाँ के दुअरिया ना। २।

कार्तिक गणपति गोद खेलायब कोरा कान्हा पे चढ़ायब
गौरा-पारबती से करबेन अरजिया, अहाँ के दुअरिया ना। ३।

हम गंगाजल भरी भरी लायब, बाबा बैजू के चढ़ायब
बेलपत चन्दन चढ़ायब फूल केसरिया, अहाँ के दुअरिया ना।४।

कतेक अधम के अहाँ तारलों, कतेक पतित के उबारलों
बाबा एक बेर फेरी दियौ हमरो पर नजरिया, अहाँ के दुअरिया ना।५।

काशीनाथ नचारी गवैया माता पारवती के सुनवइया,
बाबा एक बेर फेरी दियौ हमरो पर नजरिया, अहाँ के दुअरिया ना।६।

बाबा बैद्यनाथ हम आयल छी भिखरिया अहाँ के दुअरिया ना