बिखरल खोंता / मनोज भावुक

टुकी टुकी बाबूजी के बाग हो गइल
पतझड़ आइल अइसन दुलम साग हो गइल

चूल्हा-चूल्हा कइगो चूल्हा
धनकत सपनन के सब दूल्हा
भइल सपनवा लंगड़ा-लूल्हा
मनवा जब सभकर गरमाइल
उठल लहोक सभे अगिआइल
बाबूजी के घरवा आगे आग हो गइल
टुकी टुकी बाबूजी के बाग हो गइल

बिखरल खोंता माई के नू
भाई भोंके भाई के नू
जिउवा भइल कसाई के नू
मनवा जब सभकर बउराइल
बिषधर मने सभे बिखिआइल
बाबूजी के घरवा नागे नाग हो गइल
टुकी टुकी बाबूजी के बाग हो गइल

बाबूजी के हालत बाटे
दिनवो काटे, रतियो काटे
सभे अपना मन के बाटे
मनवा जब सभकर अरुआइल
काँव-काँव के बोल सुनाइल
बाबूजी के घरवा कागे काग हो गइल
टुकी टुकी बाबूजी के बाग हो गइल

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

बिखरल खोंता / मनोज भावुक

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग