भारत की संस्कृति के लिए... भाषा की उन्नति के लिए... साहित्य के प्रसार के लिए
बिन बजौने किऐ क्यो अबैये / नरेश कुमार विकल
Kavita Kosh से
हमरा चाही ने शरद्क इजोरिया
चान तोरा सँ झरकी बरैये।
सोर पारैये सांझ कारी-कारी
बाट ककरो किऐ हम निहारी ?
सुधि आबय ने किये कनेको
मोन जानी ने किए लगैये।
राति पसरल चतुर्दिक अन्हरिया
नीन्न भागल उगल तीन डोरिया
नीक लागैये एकसरि हमरा
मोन रहि-रहि कऽ की-की करैये।
आब गुमसुम रहैये कंगना
चान उतरब ने कहियो अंगना
नोर आंखिक आंखिए रहैये
बिन बजौने किऐ क्यो अबैयै।
