होरे चलहोसे आनेह बिषहर मठ तो हमार हे माया।
होरे धरम के माईजे छीकौ गौरा पारवती हे माया॥
होरे चलले जे सोना दह मठतो आपन हे माया।
होरे आइतो जुमल हे महादेव मठ तो आपन हे माया॥
होरे फूल जे राखलहे महादेव धैल ध्यान हे माया।
होरे भंग धतूरा खाय हे महादेव धैल ध्यान हे माया॥
होरे एक तो रसोई के गौरा बत्तीसों तरकारी हे माया।
होरे रसोई करिके हे गौरा भे गेली तैयार हे माया॥
होरे जूठ खोजे लगली हे गौरा आपन दुलारी हे माया।
होरे धरती देखले हो गौरा कमलके फूल हे माया॥
होरे उधर मन भई हे गौरा फूललेली उठाय हे माया।
होरे माता-माता करिहे देही गोदी में वैसली हे माया॥
होरे दुर-दुर करै रे देवी गौरा पारवती हे माया।
होरे सौंतनी करिए हे बोले गौरा पारवती हे माया।
होरे सौतनी काखमहे देवी ऊधर मन भैली हे माया॥
होरे हमना सौतनी हे तोरी धरम के बेटी हे माया।
होरे धरम के माई हे मोर गौरा पारवती हे माया।
होरे तोहे कैसे कहै हे माता सौतनी हमरो हे माया॥
होरे ढांग हाथ आवे हे गौरालेले बिहिराए हे माया।
होरे भागलि चलेलि हे देव पांचो तो बहिन हे माया॥
होरे फेकीके मारल हे गौरा भौहामें लागल हे माया।