बिषहरी से महादेव का सत करना / बिहुला कथा / अंगिका लोकगाथा
होरे एक सत तो करई हे देवता भोला महादेव हे।
होरे एक सत करै हे महादेव धरती अकाश हे॥
होरे दोसर जे सत हे करै तीनों जुग राज हे।
होरे तीसर जे सत हे करै कतहूँ न ठाम हे॥
होरे सत जे कराये हे बिषहरी मांगे महादान हे।
होरे मृत तो भुवन हो बाबा चांदो सौदागर हे॥
होरे तैंतीस कोटी देवता हो बाबा चांदो के अवास हे।
होरे बोले ते लागल महादेव बिषहरी जवाब हे॥
होरे तोरे जे पूजा हे बिषहरी चांदवा आवास हे।
होरे चांदवा के नामे हे बिषहरी रोदना करेला हे॥
होरे जड़ेरे गरीबी बगिया चांदो सौदागर हे।
नोट: जब पाँचों बहिन बिषहरी ने गौरा को जिला दिया तो कहादेव ने खुश होकर कहा कि वर मांगो, उन सबों ने कहा कि हम लोगों को मृत्युलोक में पूजा दिलाओ. अगर चांद सौदागर हम लोगों को पूजा देगा तो सभी लोग पूजा देना शुरू कर देंगे। इतना कह कर पांचों बहिन चौपाई नगर गई जहाँ चांदो का निवास था।
