भारत की संस्कृति के लिए... भाषा की उन्नति के लिए... साहित्य के प्रसार के लिए
बेकार चीजु / मोती बी.ए.
Kavita Kosh से
अपने ड्राइंग रूम के सफाई करिह
झरिह बहरिह
ऊ बहरनवा
हमरे अँगना में फेंकि दीह
ऊहे हमार सम्पति होई।
जिनिगी भर ईहे त तू कइल
तू मुअला के जिया दिहल
हे परोपकारी देव
हमरे लगे साफ करे के कुछ हइये नइखे
जवन कुछ रहबो कईल
तोहके ओढ़ा पहिरा के
हम नंगा हो गईलीं
सगरो बेकार चीजु
हमरे लगे भेजि दीह
ओसे हम आपन बेकारी काटबि
चाट तू खइह
हम तोहार पत्तल चाटबि।
31.01.92
