भारत की संस्कृति के लिए... भाषा की उन्नति के लिए... साहित्य के प्रसार के लिए
बै अर म्हैं / संजय पुरोहित
Kavita Kosh से
बै जिका काल
खड़्या हा
म्हारै कड़ूम्बै आगै
म्हारी रोटी
अर मजूरी री
लड़त खातर
बै जिका
काल लगा रैया हा
नारा बाका फाळ‘र
म्हांरै भूखै पेट री
दे‘र दुहाई
आज म्हानै
पिछाण‘न सूं ही
निजरां फेरै
आज म्हारी
लड़त खड़ी है
सागी जाग्यां
पण बै अबै
म्हारै बुकियां सूं
ले‘र ताकत
थरपीज्ग्या है
आभै थिर
कुर्सियां माथै
अबै उण खातर
म्हैं हुयग्या
कीड़ी-माछर
म्हैं पूठा आयग्या
म्हारै टापरै
म्हैं हर म्हांरी
लड़त
रोटी री अर मजूरी री
रैयी
सागी री सागी
