भारत की संस्कृति के लिए... भाषा की उन्नति के लिए... साहित्य के प्रसार के लिए
बोलै छै / सुधीर कुमार 'प्रोग्रामर'
Kavita Kosh से
अनटेटलोॅ सन बात बसाहा बोलै छै।
सब केॅ आपनेॅ जात बसाहा बोलै छै।
जजमानोॅ के पत्ता मेॅ लड्डू पेड़ा
पंड़ित जी केॅ भात बसाहा बोलै छै।
उखड़ी मेॅ मुड़ी देलकै जेॅ जानी केॅ
लाजेंॅ बोलै झात बसाहा बोलै छै।
सोना केॅ मंदिर मेॅ पूजा के खातिर
लोभी जुटलै सात बसाहा बोलै छै।
बाघ के साथेॅ बकरी के कुस्ती होतै
देखिहोॅ नौमी रात बसाहा बोलै छै।
