भारत की संस्कृति के लिए... भाषा की उन्नति के लिए... साहित्य के प्रसार के लिए
बोल सुनी केॅ उठलै बौव्वा / दिनेश बाबा
Kavita Kosh से
बोल सुनी केॅ उठलै बौव्वा
एँगना में बोलै छै कौव्वा
कोय संवाद कहीं से ऐलै
खाड़ोॅ छै डौढ़ी पर लौव्वा
ताऊ भुंजा चिभलाबै छै
खैतै की गायब छै चौव्वा
करना छै पंचैती काहीं
ऐलोॅ छै हुनकरे बुलौव्वा
थोथा सरपट बिना दाँत के
बोलियो छै एकदम लपटौव्वा
छोट बात भी मत्थी-मत्थी
लोग बनाय देथौं छै हौव्वा
ककरहौ तेॅ गिरना ही छेलै
खटिया में तीने छै पौव्वा
छौड़ा की, जुल्फी ाड़ै छै
तेल लगाबै छै गमकौव्वा
काका भोर अन्हारे गेल छै
हुनका कटवाना छै झौव्वा
‘बाबा’ जाय छथिन खेतोॅ पर
बान्ही केॅ दै दहु कलौव्वा
