भारत की संस्कृति के लिए... भाषा की उन्नति के लिए... साहित्य के प्रसार के लिए
ब्वे आशीष / बलबीर राणा 'अडिग'
Kavita Kosh से
तुमारा खुट्टा कांडा नि चुभ्या लाटो
चैs हम किन्गोडक भूड किले ना हो
तुमारा पुटुग सदानी भरिय्याँ रे
चेs हम भूखी क्ले नि स्यों।
जख भी रावा सुखी शान्ति रावा
यख रावा या परदेश जावा
ब्यो करि यु ब्वे अलाडी ह्वे जान्दी
जलम जलम की रीति बतौन्दी
मेरी माया मां ही खोट रे ह्वोलू
कैतें दोष नि द्येणु
तुम्हारा ज्यू जग्वाल भी ह्वाला
मुच्चछ्याळू जगि पिछने औंदु...........
पंछी फिर घोलक तरफां उडी
हे माया भारी नखरी माया
सामणी रैंदी स्येली लगोंदी
दूर जै की झुकड़ा बिणोन्दी
त्यारा जंजाल मा इन लिप्टयों
फिरडा फिरडी त्वेमा उड़ि औन्दी।
