भारत की संस्कृति के लिए... भाषा की उन्नति के लिए... साहित्य के प्रसार के लिए
भाग्यले उसलाई / सुमन पोखरेल
Kavita Kosh से
भाग्यले उसलाई लुटेर लग्यो केही भन्न सकिनँ
पराई भई हराइगई कहीँ देख्न सकिनँ
जानेर उसलाई गुमाएको हैन भाग्यले लुटेको
अँगाल्न मैले नचाहेको हैन भाग्यै हो फुटेको
मनमा माया सङ्गाली राखेँ आऊ भन्न सकिनँ
भाग्यले उसलाई लुटेर लग्यो केही भन्न सकिनँ
छातीमा मुटु धड्केको हैन चोट हो लुका'को
आँखामा आँसु छल्केका हैनन् पीडा हो फुका'को
चाहेको थिएँ जुन कुरा भन्न त्यही भन्न सकिनँ
भाग्यले उसलाई लुटेर लग्यो केही भन्न सकिनँ
