भारत की संस्कृति के लिए... भाषा की उन्नति के लिए... साहित्य के प्रसार के लिए

भादो रैन भयामन दिसि घन घेरे हे / मगही

Kavita Kosh से
यहाँ जाएँ: भ्रमण, खोज

मगही लोकगीत   ♦   रचनाकार: अज्ञात

भादो रैन भयामन दिसि घन घेरे हे।
रोहिनी नछतर<ref>नक्षत्र</ref> तिथि अठमी, लाल गोपाल भेले हे॥1॥
किरीट मुकुट घनस्याम से कुंडल कान सोभे हे।
ललना, संख चकर<ref>शंख-चक्र</ref> गदा पदुम चतुर भुज रूप किए हे॥2॥
उर वैजयन्ती के माल से देखि रूप मन मोहे हे।
ललना, बिहसि के बोले भगमान, तोहर हम पुतर हे॥3॥
पूरुब जलम बरदान तेही से तोर कोख अयली हे।
ललना, जनि तुहि अरपहुँ डरपहुँ<ref>न कहीं फेंको या न डरो</ref> जसोदा घर धरि आहू हे॥4॥
छूटि गेले बंधन जंजीर तो खुलि गेलइ फाटक हे।
ललना, वसुदेव लेलन हरि के गोद पहरु सब सूतल हे॥5॥
बिहसि बोलल महराज, देव जनि डरपहु हे।
ललना लेई चलु जमुना के पार, कमर नहीं भींजत हे॥6॥
यह सुनि के वसुदेव जी जमुना के पार भेलन हे।
ललना, जसोदा घर बाजत बधाई, महल उठल सोहर हे॥7॥

शब्दार्थ
<references/>