भारत माता जी पुकार / हूँदराज दुखायल

भैरवी

तर्ज़: ॿधी ॿांहू भाॻ चयुमि दिलबर, न करि बर्बाद घरु मुंहिंजो

1.
मुसीबत भाॻ मुंहिंजे सां लॻाई का लड़ाई आ,
बला बणिजी संदमि सिर ते सा बेदर्दीअ सां आई आ,
गरीबी सारी दुनिया जी मुंहिंजे घर में समाई आ,
हीअ आहे आपदा तुंहिंजी या कर्मनि जी कमाई आ।
निॿल संतान अॼु मंुहिंजी रुखे टुकरे लड़ रोए थी,
उथण सां नेण नेराणा निचोए थी, निचोए थी।

2.
तूं ॼाणीं थो त हिक सिर जी सरासर छा कमाई आ,
ॾिहाड़ीअ डे/ढु आनो खनु अजब जहिड़ी सचाई आ,
हज़ारें दरबदर ॿचड़ा सिरनि ते चार पाई आ,
गुज़ारे गाह ते अॼु तिनि, ॾुखी वेला टिपाई आ।
किले भारत खे अॼु चौधड़ ग़रीबीअ जो ई घेरो आं,
मुंहिंजे क़िस्मत में ए दाता अंधेरो ई अंधेरो आ।

3.
दया तुंहिंजी पिता, मुंहिंजीअ ग़रीबीअ खे मिटाईंदी,
बणी पारस समूरे लोह खे सोनो बणाईंदी,
दया तुंहिंजी मुंहिंजीअ संतान जो दुखड़ो टराईंदी,
सुतल भारतु वरी भॻवन् जुॻाईंदी, जॻाईंदी,
सुखनि जो को समो मुंहिंजी किस्मत में
लिख्यलु नाहे छा?
सची आज़ादी मूंखे मिल्यल कुदरत खां नाहे छा?