भारत की संस्कृति के लिए... भाषा की उन्नति के लिए... साहित्य के प्रसार के लिए
भित्तामा टाउको बजारेँ मैले / अन्ना स्विर / सुमन पोखरेल
Kavita Kosh से
सानी छँदा
आगामा औँलो झोसेँ मैले
योगी भै टोपल्नका लागि।
किशोरी छँदा
दिनहूँ बजारेँ
भित्तामा टाउको।
युवती छँदा
बुइँगलका झल्यालबाट छिरेर उक्लिएँ छानामा,
हाम्फाल्नका लागि।
आइमाई भएपछि
मेरा जिउभरि जुम्रा परे।
पट्पट् मर्थे ती
मैले सुइटरमा इस्त्री लगाउँदा।
साठी मिनेटसम्म पर्खिएँ मैले
मारिनका लागि।
छ वर्षदेखिकी भोकी थिएँ म।
छोराछोरी जन्माएँ त्यसपछि मैले।
सुत्न नदिई कुँदिरहे
तिनीहरूले मलाई।
त्यसपछि चटयाङ्ले तीनपल्ट मार्यो मलाई
र मैले तीनपल्ट ज्यूँदिनुपर्यो
कसैको सहयोग बिना।
थकाइ मार्दैछु म यसबेला
तीनपल्टको पुनर्जन्मपछि।
