पौरखी मगरनी
बिछट्टै राम्रो समला जानेकी !
चिनेकै एजेन्टको माध्यम
डिस्कोमा गाउन थाली ।
मालिक रिझाउन
जानेको समला सप्पै बिर्सिपठाई ।
आहा ! संसारै अँगालोमा बाँधु भन्ने उमेर
सहरमा भने खुट्टा टेक्ने ठाउँ छैन।
मैले डोको घोप्टा'को ठाउँमा
कसको यो बडेमानको बिल्डिङ हँ ?
आफ्नो पनि त यतिञ्जेल
घरजम भइसक्नुपर्ने !
कतिको भरपर्दो होला नी
यो साप्ताहिक मेट्रिमोनियल्स ?
घर-द्वार कोठेबारीसहित
स्थानीय शहरकै कुनै पौरखी मगरको
प्रस्ताव पो आइहाल्ला कि !