भारत की संस्कृति के लिए... भाषा की उन्नति के लिए... साहित्य के प्रसार के लिए
भैगो अब तिम्रा कुरा मान्छु अलिकति / ललिजन रावल
Kavita Kosh से
भैगो अब तिम्रा कुरा मान्छु अलिकति
आजलाई वाचा-कसम खान्छु अलिकति
जति रिस उठे पनि मन दुखे पनि
ढुङ्गा होइन फूलले फेरि हान्छु अलिकति
जे-जे दियौ तिम्ले सधैँ मैले थापी रहेँ
अति भयो आज म त छान्छु अलिकलि
माया टाढा हुने रैछ सधैँ नजिक हुँदा
तिमीबाट टाढा आज जान्छु अलिकति
आफन्तले जब-जब घात मात्रै गर्छ
शत्रुलाई बरु आˆनो ठान्छु अलिकति
कहाँकहाँ पुग्नुपर्छ, कति हिँड्नु पर्ला ?
यात्राभरि सम्झना त्यो लान्छु अलिकति ।
