भारत की संस्कृति के लिए... भाषा की उन्नति के लिए... साहित्य के प्रसार के लिए
मइया जइबउ हमहुँ इसकुलवा / सिलसिला / रणजीत दुधु
Kavita Kosh से
पढ़े लगी लिखे लगी सीखे लगी
मइया जइबउ हमहुँ इसकुलवा-2।
ढेर दिन गड़लिअउ बकरिया के खुटवा
ला दे अब हमरा सिलउट-पिलसुटवा
बाबुजी के चिट्ठिया लिखे लगी
मइया जइबउ हमहुँ इसकुलवा।
गुरूजी हमरा ककहरा सिखइथिन
पढ़ा-लिखा के दुनिया चिन्हइथिन
सुख से ई जिनगी जीये लगी
मइया जइबउ हमहुँ इसकुलवा।
जात-पात के भेद मिटे हे विद्या मंदिर जाके
अदमी जीए ला सिक्खे हे शिक्षा घर में जा के
देशवा के शान पे मिटे लगी-2
मइया जइबउ हमहुँ इसकुलवा।
