भारत की संस्कृति के लिए... भाषा की उन्नति के लिए... साहित्य के प्रसार के लिए
मगहिया शेर / उमेश बहादुरपुरी
Kavita Kosh से
नजर मिलइहऽ नञ् हमरा से कर देम सबके ढेर
हम मगहिया शेर ही हम मगहिया शेर
पौरुष हमर देख के उतर जाहे सबके पानी
कूदऽ ही जब दंगल में आबे आद बड़-बड़ के नानी
ई मगध में एक से बढ़ के एक हलन समशेर
सीना-तान के चललन हल जग जीते ले सिकंदर
उनखा की मालुम विजय-रथ रूकत मगध के अंदर
इहे मगध में चंद्रगुप्त के जैसन हलन दिलेर
नालंदा के खंडहर देखऽ ज्ञान-पीठ संसार के
राजगीर में लगऽ हल एक-दिन जयकारा बिंबिसार के
ज्ञान-पुंज बन जइतै नालंदा जगत में फिनु एक बेर
समझऽ हे जे खुद के बिक्रम देखे रस्ता रोक के
बुद्ध-महावीर के ई धरती, धरती महान अशोक के
दुनहुँ हाँथ से स्वर्ण लुटइलन बनके करन कुबेर
