भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

मतभेद / विमल निभा

Kavita Kosh से
यहाँ जाएँ: भ्रमण, खोज

केही वस्तुहरुसँग
मेरो गम्भीर मतभेद छ
माथि आकाशमा
अल्छी मानि–मानिकन
हिँडिरहेको चन्द्रमासँग
मेरो कुरा मिल्दैन
म रातसँग सहमत छैनँ
बगरेको चुपी,
कालाबजारीको ढक–तराजु,
पुलिस डिपार्टमेन्टको जुँगा,
गणिकाका शृङ्गार–प्रसाधनहरु
र मन्त्रीहरुका हस्ताक्षरसँग
म आफ्नो फरक विचार
जाहेर गर्छु
यद्यपि सत्तासँग
केही सुन्दर शब्दहरु छन्
जो वजनदार पनि लाग्छन्
तर त्यसको कुरुप भावलाई
म मन पराउँदिनँ
त्यसप्रतिको मेरो विरोध छ
जरुरी छैन
सांसदहरुका भत्ता,
नक्कली फुलको सुगन्ध,
गलत समाचार,
र जासुसहरुका सूचनासँग
म एकमत होऊँ
देशद्रोहीहरुले प्रयोग गरेको
चलाखीप्रति
म गहिरो मतभेद
प्रकट गर्छु