भारत की संस्कृति के लिए... भाषा की उन्नति के लिए... साहित्य के प्रसार के लिए
मन मउरे मउहा महक मारे ना / निरुपमा शर्मा
Kavita Kosh से
मन मउरे मउहा महक मारे ना।
सुरता के हिरना डहक मारे राजा महक मारे ना
दोनु आंखी मा तोला मैं काजर बनाएवं
नदिल गेंदवा मा रे पिरोहिल बैठारेंव ।
एक एक बोली मा चहक मारेव मैना ……..
लाली चूरी टिकली रे लाले हे महाउर
मोहनी आंखी के हे कटारी आमा मउर
हुलकथे जीउ अधिआये डारे मैना......
मति आये रेंगना मा मतहा मतागे
गदकथे मोंगरा मयारू ह मोहागे
रस मांगे मन कचुवाय डारे मैना ........
जिनगी हे खाल्हे उंच तरिया के पार
मरही उड़ेला ता ढहाही रे कगार
आवा जाही बेरा ला बुड़ोय दारे मैना ......
