भारत की संस्कृति के लिए... भाषा की उन्नति के लिए... साहित्य के प्रसार के लिए
मन री आर्ट-गैलेरी में / सांवर दइया
Kavita Kosh से
थारै चेहरै माथै देखण खातर
अगूण में पसरतो उजास
आडी-टेढ़ी बातां कैवूं म्हैं
कणाई-कणाई
आ तो म्हारी आदत है
एकर फीसै तूं
मनायां मुळकै
आंसू पूंछती लुकै सीनै में
हाथां रै बीं सागी लटकै सागै
-आछी आदत है !
इणी लटकै लारै गैलो म्हैं
अजै टांग राख्यो है
मन री आर्ट गैलरी में
थारो ओ चितराम !
