मसानको आवाज / युद्धप्रसाद मिश्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

युद्धप्रसाद मिश्र »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

डढेको लाश चिच्याई चितादेखि उठ्यो फेरि
जलेको देशवासीको कदम चर्को उठ्यो फेरि
रगत सिंगान गरी हाम्रो जगाएको बगैंचामा
मरुभूमि गर्न सामन्तीहरूको दल जुट्यो फेरि

सबैले न्याय पाउने बनाएको थियो देश
खरानी त्यो कुरा भो सब धुवाँ कालो छुट्यो फेरि
कतै डाँका कतै चोरी जमानामाथि बलात्कार जोरी
बढेको घूसखोरीले हरे दुनियाँ लुट्यो फेरि

अनादर भूमिको नसक्ने भै सकें खप्न
अवस्था देशको देखी मुटु मेरो फुट्यो फेरि
पुराना जीर्ण थाङ्नाले लपेट्ने देहका टुक्रा
करोडौ दुःखीका खोला रगतको त्यो सुक्यो फेरि

गरेको हैन केवल हुँ दिने बलिदान केवल काया हो
म यौटा देशको आत्मा भनी दाह्रा किट्यो फेरि
शहीदको रक्त जिन्दावाद रहोस् कायम सधैं आजाद
नहोस् नेपाली वरवाद भनी डंका पिट्यो फेरि