मऽरो संसार बुझ गयो रे मऽरो राम / पँवारी

पँवारी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

मऽरो संसार बुझ गयो रे मऽरो राम
कहा गयो मऽरोऽ राम रे...
कसो दोड़ऽ गयो मखऽ एखली खऽ मऽरा राम रे
कोका भरोसा जीहू मऽरा राम रे...
तोरा नान्हा-नान्हा पोर्या हनऽ खऽ
कोनऽ देखे मऽराऽ राम रे...
खेत पऽ जानऽ की बखत भई
उठनऽ मऽरा राम रे...
मखऽ काहे छोड़ दी तोनऽ मऽरा राम रे...
मखऽ भी उठाय लेतो अपना संग मऽ मऽराऽ राम रे...
मऽ कसी-कसी काटहूँ जिनगी मऽराऽ राम रे...
तोरा राम लक्षमन जसाऽ बेटा हनऽ
कोका भरोसा जिहे मऽरा राम रे...
मऽराऽ आगऽ पाछअ कुई देखन वाला नहाय (नोहय)
मऽरा राम रे...
ऐनी सावित्री खऽ काहे छोड़ दी मऽराऽ सत्यवान रे...
ऐनी जिनगी को दुखड़ा कोखऽ सुनाहूं मऽराऽ राम रे...
तोरी नातिन दादा-दादा करय मऽराऽ राम रे...
उनसी....आसी ते बोल ले मऽराऽ राम रे...
तोरा बिही समदी हन आया तोरी देवढ़ी मऽरा राम रे...
उनसी....बात ते कर ले मऽरा राम रे...