भारत की संस्कृति के लिए... भाषा की उन्नति के लिए... साहित्य के प्रसार के लिए
मांगो मांगो म्हारी नणन्द थारा मांगण का ब्योहार / हरियाणवी
Kavita Kosh से
हरियाणवी लोकगीत ♦ रचनाकार: अज्ञात
मांगो मांगो म्हारी नणन्द थारा मांगण का ब्योहार
ऐसी चीज मत मांगो म्हारे गैणे का सिंगार
इस गैणे में की गूठिया नणदिया नै द्यो
इस गुट्ठी का नगीना राजा काढ क्यूंनां ल्यो
मांगो मांगो म्हारी नणदी थारा मांगण का ब्योहार
ऐसी भैंस ना मांगो जिससै म्हारा लैंडा बिगड़ै
इन भैंस्यां मां का काटड़ा म्हारी नणदिया ने द्यो
काटडे का जेवड़ा राजा काढ क्यूंनां ल्यो
मांगो मांगो म्हारी नणदी थारा मांगण का ब्योहार
ऐसी तील मत मांगो म्हारे पणघट का सिंगार
इन तीलां कै मां का घागरा नणदिया ने द्यो
इस घाघरे का लामण राजा पाड़ क्यूंनां ल्यो
