भारत की संस्कृति के लिए... भाषा की उन्नति के लिए... साहित्य के प्रसार के लिए
मांझल रात / करणीदान बारहठ
Kavita Kosh से
मांझल रात
सपनां में मिलग्यो
म्हारो परणीज्योड़ो
जी उचट्यो
आंख्यां में झलक्या आंसूड़ा
ओल्यूं आई
हिवड़ो लाग्यो ओलण नै
कांईं करूं
कठै जाऊं
कद पाऊं मिलण नै
पसवाड़ो फोर्यो
नानड़यो लाग्यो चूंगण नै
टप टप पड़ग्या
आंसूड़ा,
चूम लिया गीगलै रा गाल
कालजै लागयो
चिमटायो
पुचकार्यो
हिवड़ो होग्यो हिमजल सो
कुण जाणै क्यूं ?
