मां शेड्यूल कास्ट छो न आहियां / चतरू नागपाल
चोटी कटियमि
जणियो छिगुमि, तिलिकु डाठुमि
लांग लाथमि, त मूंखे
शेड्यूल कास्ट तस्लीम करियो।
चओ कहिड़े बि जानवर जो मासु खांवां
कहिड़ा बि कुधा कर्म करियां
मुंहिंजे जनम खे न,
मुंहिंजे कर्म खे ॾिसो
मूंखे पुठिते पियलु करे मञो।
नौकरीअ जी रिज़रवेशन कोटा में खणो।
मुंहिंजे ॿारनि खे
ऊची तालीम जो मौक़ो ॾियो
अॻले जनम में अलाजे छो पुञ कया हुआ
जो ऊच जाति में पैदा थियुसि
तंहिं खां त ब्रह्म-हत्या करियां हा
हाणि त अॻिते कन्दो रहन्दुसि
कसे में कसा कर्म
जीअं जनम जनम माणे सघां
जीअण जूं सहूलियतूं,
भलु पुठिते पियलु ई रहां।
अॻिते स्टील जा बर्तन फिटा करे
पननि में खाईंदुसि
फुल पैंटियूं कटे,
निकरियूं करे पाईंदुसि
पंहिंजा मुर्दा साड़ण बदिरां पूरीन्दुसि
देवी देवतउनि जी पूॼा करण बदिरां
भूत प्रेतनि खोपिड़ियुनि ऐं नांगनि जी
पूॼा कन्दुसि
ो त हींअर क़ाइो थो चवे
रिज़रवेशन लाइ जाचणु खपे तरीक़ो
जातियुनि जे पूॼा जो
ऐं उन्हनि जे आखि़रीनि क्रिया-कर्म जो
इन करे तालीम
ऐं नौकरीअ जूं सहूलियतूं
हासिल करण लाइ
अजु जो नारो आहे
पुठिते ऐं अञ बि पुठिते रहो।
