भारत की संस्कृति के लिए... भाषा की उन्नति के लिए... साहित्य के प्रसार के लिए
मां सिंधु वियसि / माया राही
Kavita Kosh से
मां सिंधु वियुसि
हैदराबाद, सखर
रोहिड़ी ऐं शिकारपुर ॾिसी
मूअनि जो दड़ो
ॾिसण न वियुसि!
सालनि जा साल
जा सिंधु
तसव्वुर में हुई मुंहिंजे
सा, हक़ीक़त में
हींअं?
हइड़ीअ ज़बूं हालत में!!
उघाड़ियूं सिरूं
भुरियल भितियूं
बिना दर-दरियुनि घर
मरन्दड़ शहर
ॾिसी लगुमि
त मूअनि जे दड़े में
हिन खां वधि
ॿियो छा हून्दो?
जेका सिंधु
असां छॾी
सा किथे आ?
जा ॿोली, सभ्यता
पाण सां आन्दी
सा किथे आ?
उते जी ॼावल
पलियल-निपियल
सिंधी
ॿोली ऐं सभ्यता
हिते
हिन्दु में अची
मरी रही आहे!
ऐं दड़ा?
हिते
वधी रहिया आहिनि!!
