भारत की संस्कृति के लिए... भाषा की उन्नति के लिए... साहित्य के प्रसार के लिए
माठि खे माठि लॻी वेई आ! / अर्जुन हासिद
Kavita Kosh से
माठि खे माठि लॻी वेई आ!
ॻोठ में ॻाल्हि हुली वेई आ!
आबरू घ्ज्ञर जी सॼी ओरांघे,
दर ऐं दीवार भञी वेई आ!
कहर केॾो न मचाए थी छॾे,
ॻाल्हि नंढिड़ी, जा ॿुधी वेई आ!
साहु मुठि में थो लॻे माण्हुनि जो,
ॼणु त धरती का धुॾी वेई आ!
रोज़ केॾियूं न पचारूं आहिनि,
केॾी छिकताण मची वेई आ!
फ़ैसला कहिड़ा सुभाणे थींदा,
अॼु त पैंचात उथी वेई आ!
शोर गुल छा ते कयो थई हासिद,
सिर्फ़ साञह ई हली वेई आ!
