भारत की संस्कृति के लिए... भाषा की उन्नति के लिए... साहित्य के प्रसार के लिए
माने जब नैकु ना मनाएं मन-मोहन के / जगन्नाथदास ’रत्नाकर’
Kavita Kosh से
माने जब नैकु ना मनाएं मन-मोहन के
तोपै मन-मोहिनि मनाए कहा मानौ तुम ।
कहै रतनाकर मलीन मकरी लौं नित
आपुनौंहीं जाल अपने हीं पर तानौ तुम ॥
कबहुँ परे न नैन-नीर हूँ के फेर माहिं
पैरिबौ सनेह-सिंधु माहिं कहा ठानौ तुम ।
जानत न ब्रह्म हूँ प्रामानत अलच्छ ताहि
तोपै भला प्रेम कौं प्रतच्छ कहा जानौ तुम ॥93॥
