भारत की संस्कृति के लिए... भाषा की उन्नति के लिए... साहित्य के प्रसार के लिए
मिलन सीमा / अशोक शुभदर्शी
Kavita Kosh से
हम्मेॅ लौटी एलिहौं
तोरा सें मिललेॅ बिना ही
कतनां दाफी
जाय केॅ तोरोॅ ठियां
लागै छै
लौटी जैवै
आबकियोॅ बेरियां
तोरा सें मिललेॅ बिना ही
आबी केॅ तोरोॅ पास
हम्में आपनोॅ सीमा में रही जाय छियै
हर दाफी
तोरा पास जाय केॅ भी
हम्में सीमा तोड़ै लेॅ
नै पारै छियै आपनोॅ
आरोॅ मिलै लेॅ भी चाहै छियै
तोरा सें ।
