भारत की संस्कृति के लिए... भाषा की उन्नति के लिए... साहित्य के प्रसार के लिए
मिलन / अशोक शुभदर्शी
Kavita Kosh से
हुअे पारै छोॅ
तोंय जबेॅ आबोॅ हमरा सें मिलै लेॅ
हम्मेॅ मिलिहौं तोरा
कोनोॅ खंडहर
कोनोॅ सूखलोॅ वृक्ष
या कंकाल केॅ रुपोॅ में
लेकिन तोंय डरी नै जैहियौं
हमरोॅ ई तरह केॅ कोय रुप देखी केॅ
तोरा मिलै लेॅ पारै छेॅ
हमरोॅ यहेॅ कोनोॅ रुप
तोरोॅ आशा के अनुरुप
हमरोॅ जीवंतता
तोंय ढूढ़ियोॅ हमरोॅ ऊ जीवंतता
हमरोॅ वहेॅ रुपोॅ में
जेकरा पावै लेॅ तोंय पागल छेल्होॅ कहियोॅ
मानी लेॅ तोंय बहुतेॅ देर करी देभौ आवै में
तहियोॅ
हम्में बचाय केॅ राखभौं
आपनोॅ वहेॅ जीवंतता
तोरा वास्तें
जेना केॅ भी हुअे पारतै ।
