भारत की संस्कृति के लिए... भाषा की उन्नति के लिए... साहित्य के प्रसार के लिए
मुहबनि सां मिलां / लीला मामताणी
Kavita Kosh से
दिल थी चाहे मां पखी थी वञी मुहबनि सां मिलां
शल अल्लाह विछड़ियल मिलाए वञी होतनि सां गॾिजां
जिनि जे अंदर सिक सची आ, से कीअं था सेजड़ी सुम्हनि
रातियां ॾीहां जानिब लाइ से पिया जागिर तोकनि
सलनि दिलि जा सूर न कंहिं सां दिलि अंदर दूंहड़ा दुखनि
रुअंदियूं रहनि माठ में ॿाहिर ॿाफ बि न ॿाफनि
रुॻो पचारा कनि पिरीं जा ॿी का वाई कीन वारनि
मन अची मिठड़ो पहुचे होतनि लाइ वाटूं निहारनि
वणे न खाइणु ऐं पीअण पयूं प्यार जा ढुकड़ा भरनि
चरियुनि वांगे हेॾाहूं होॾाहूं ॾींहुं सॼो पयूं गुज़ारनि।
