मूंखे बि खपनि / लक्ष्मण पुरूस्वानी
हिकिड़ो दोस्तु आयो मुं वटि
कुझु सहिकन्दो सहिकन्दो
कुझु उॿहिरो उॿहिरो
हू कुझु चवणु चाहे पियों
पर शायद चई न पियो सघे
हू ईंहें ई बीठो हुओ
नेठि मुं ई पुछियो मांसि
कीअं अचणु थियो भाईं
कुझु बुधाइ त सही
हुन मूं दाहुं निहारियो
कुझुहॿिकी, कुझु झिझिकी
पुछियांई कुझु उधारो दीन्दें?
कर वाइदो मुहं न मटीन्दें
मुं पुछो वरी कहिड़ी जरूरत आई
लॻे थो अञां आदत अथई उहाई
बुधाइ भला छा थो चवणु चाही
हुन चयो शक छो थो भांई
फ़कति कुझु दीहनि लाइ जरूरत आहे
हिक जा हजार मोटाइण जी हसरत आहे
मूं पुछो, छा थो वठणु चाही
जो डुकन्दो आयो आही
हुन चयो कुझु ॻोढा दे उधारा
त थी वञनि वारा नियारा
शायद तोखे खबर हूंदी मां,
एम.पी. जो चुनाव लड़ी रहियों आहियां
टिकेट न मिलण ते पार्टीअ सां
अड़ी रहियो आहियां
मूंखे त सिर्फ पंद्रहं दिहं रूअणो पवन्दो
ऐं पूरा पंज साल पहिंजो घर भरिणो पवन्दो
तूं अकेलो त छा, सॼे देस खे
हर हिकु सूर सहिणों पवंदो
ऐं मुंहुं पाणीअं सां न
ॻोढ़नि सां धोइणो पवन्दो
घर घर जे अंगिया खदूं खोटाए छदीन्दुसु
ॿुढे खा ॿार तांई खे ॻोढ़ा ॻाराए छदीन्दुसु
जिन खे खिलन्दो खुश थीन्दो दिसन्दुसु
तिनि जूं निंडू फिटाए छदीन्दुसु
मूं चयो माफ करि मूं बि कयो आ इरादो
एम.एल.ए. बणिजण में ई आ फाइदो
उन करे दोस्त मूंखे बि घुरिजनि ॻोढ़ा
ऐं वक्त ते कुर्बानीअ लाइ कुझु पोढ़ा
वाघूअ गू वागुंर लुड़िक वहाइणा पवन्दा
चङा भला बेवकूफ बणाइणा पवन्दा
भला मां कहिंखा ॻोढा घुरन्दुसु
वञी कहिड़ा दर पियो पिनन्दुसु
मूंखे त ओधर केर न ीन्दो
पहिरियुं ई कर्ज न लाथो आ
केर भला पोए ॿीहर दीन्दो
मुहिंजी सलाह अथई तूं मञिजा
चूंड मूखां पोइ लड़िजां
मां चौतरफा बाहि लॻाए छदीन्दुसु
खून सा गदु ॻोढनि जू बि नदियू वहाए छदिन्दुसु
तूं ॿुक छो थो भरी तू टेंकर भरिजां
पोइ बि सफल न थी त खंणी ॿुदी मरिजां
फिलहाल त मुंखे बि खपनि, मुखे बि खपनि
