भारत की संस्कृति के लिए... भाषा की उन्नति के लिए... साहित्य के प्रसार के लिए
मूंखे मारुनि जी ॾाढी यादि अचे थी / लीला मामताणी
Kavita Kosh से
मूंखे मारुनि जी ॾाढी यादि अचे थी
ॾाढी यादि अचे थी, दिलड़ी तड़फे थी।
छॾे देसु पंहिंजो- परदेस आयसि
हिंद में कयुमि देरो- सिंध में हुई ॼायसि
हाणे मारू कीअं विसारियां
जिंद जान ॻरे थी- मूंखे मारुनि जी...
अबाणनि खे करियां यादि आहे दिलड़ी मांदी
नको आयो अबाणनि मों पैग़ाम पांधी
ॻणतियुनि आ ॻारियो, सूरनि सड़ां थी
मूंखे मारुनि जी ॾाढी यादि अचे थी
दिलासो आ दिलि खे- त मुंहिंजा मारू ईंदा
‘निमाणीअ’ खे मारू अची वठी वेंदा
मूंखे जीजल जी लोरी, यादि अचे थी
मूंखे मारुनि जी ॾाढी यादि अचे थी
