भारत की संस्कृति के लिए... भाषा की उन्नति के लिए... साहित्य के प्रसार के लिए
मेरो आँखालाई राख्ने फुलबारी छैन / अम्बर गुरुङ
Kavita Kosh से
मेरो आँखालाई राख्ने फुलबारी छैन
तिम्रो मुहारमा राखुँ कि
मेरो बतासलाई बाँध्ने सुगन्ध छैन
तिम्रो निश्वासमा बाँधु कि
पहाड भन कि मधेस भन घुमेकै म पनि
बैशाख भन कि पानीको रिमझिम रुझेकै म पनि
जसरी पनि जीवन झुल्छ जसरी फुल्छ वन
मर्नलाई बाँकी रहेन केही बाँकी छ यही मन
मेरो यही मनलाई राख्ने घुम्तीघर छैन
तिम्रो दोभानमा राखुँ कि
उदास भन कि खुसी भन कि भएकै म पनि
राम्रा नराम्रा दुवैनै थरी भएकै म पनि
जता नै पनि जोवन फुल्छ जसरी फुल्छ फूल
मायालु मात्र बेग्ला बेग्लै मायाकै एउटै फूल
मेरो मायालाई राख्ने झ्यालखाना छैन
तिम्रो नजरमा राखुँ कि
