भारत की संस्कृति के लिए... भाषा की उन्नति के लिए... साहित्य के प्रसार के लिए
मेरो बिटुलो विश्वास / किरण खरेल
Kavita Kosh से
मेरो बिटुलो विश्वास तिमीलाई चोखै ठान्छ
तिमी ढाँटिदेऊ खालि पवित्र छु भनेर
तिमी रोइदेऊ फेरि दुई बूँद आँसु पोख्दै
तिमी धोइदेऊ ओठमा लागेका दाग मेट्दै
बिषालु आँसु तिम्रो अमृत ठानी पिउँछु
पत्थरको मूर्तिलाई भगवान सम्झी जिउँछु
तिमी ढाँटिदेऊ खालि पवित्र छु भनेर
मैले सुनेको कुरा कथा थियो भनिदेऊ
मैले देखेको दृश्य झुठो थियो भनिदेऊ
तिम्रो हरेक बहाना पत्याइदिन्छु आज
सम्पूर्ण सत्यलाई रित्याइदिन्छु आज
तिमी ढाँटिदेऊ खाली पवित्र छु भनेर
