भारत की संस्कृति के लिए... भाषा की उन्नति के लिए... साहित्य के प्रसार के लिए
मेरो मन भयो चोर को चेरो / स्वामी सनातनदेव
Kavita Kosh से
राग गौरी, तीन ताल 7.9.1974
मेरो मन भयो चोरको चेरो।
माखन चोरि चीर जिन चोरे, अब चोर्यौ चित मेरो॥
चोरन की है बात सदा की, चोरि न फिर चित फेरो।
बिना चित्त अब काज करै को, घर में होत बखेरो॥1॥
चित्त लियो तो लियो सखी! इन नयननि कियो बसेरो।
अब कछु और न लखहिं नयन ये, बस्यौ चोर को चहरो॥2॥
काहू की अब कानि न मानहुँ कान्ह हि में मन मेरो।
वा बिनु मोहिं न और सुहावै, लागत जगत अँधेरो॥3॥
आ रे चोर! चोर यह तन हूँ, सदा-सदा यह तेरो।
तन मन प्रान चोरि अपने कर, रहे न कोउ बखेरो॥4॥
मैं न रहूँ, बस रहे तुही तू, जो मेरों सो तेरो।
तू ही एक सदा मनमोहन! मेरो मेरो मेरो॥5॥
शब्दार्थ
<references/>
